Entrevista a Soledad Felloza

Queremos compartir con vós a nosa entrevista  a Soledad Felloza, unha muller moi traballadora e polifacética. Ela é escritora, directora, actriz e fotógrafa.

 Deunos un montón de información para axudarnos coas profesións. Contounos que ser directora é moi duro porque tes que estar a cargo de toda a obra e iso implica moita responsabilidade. Para esta profesión hai que ter moita paciencia e empatía. Tamén nos aconsellou escribir tanto en ordenador como en papel porque as dúas son útiles para diferentes momentos. Ademais díxonos que ela levaba unha libretiña por se algo a inspiraba para escribir. Alén compartiu con nós un pequeno truco para @s intérpretes que consite en que quentemos a voz antes de sair ao escenario. E por último, recomendounos que relaxaramos e respiraramos profundamente para non ter pánico escénico,.

Encantounos esta entrevista!!! Moitas grazas, Sole!!!

Temos todo vendido!

Autofinanciación significa preparar un plan para conseguir cartos co obxectivo de mercar material para a nosa ópera.

Durante varias sesións LÓVA, fomos preparando o material que iamos vender no Magosto. Elaboramos bolsas Tie-dye, cadernos, marcapáxinas, chaveiros e obras de arte feitas na clase.  Para chegar a isto hai moito traballo e esforzo detrás!

Cando chegou o momento de vender estabamos moi nervios@s, xa que era a primeira vez. Dividímonos en catro grupos e cada un tivo trinta minutos para vender no posto que montamos ao lado da porta do pavillón. Por iso o primeiro grupo tivo moito traballo porque viña moita xente xunta a comprar para non quedar coas mans baleiras. Segundo pasaban os trinta minutos esgotábanse os produtos, e o último grupo acabou vendendo o que quedaba. 

 Estamos moi orgullosos do noso traballo e que gustara tanto á xente. 

“A alfombra máxica”

 Hoxe na clase de LÓVA fixemos unha dinámica chamada “ A alfombra máxica”.

Seguramente vos estaredes preguntando que é unha dinámica, pois é un "xogo" co que aprendemos algo.

A "alfombra máxica" consiste en darlle a volta a unha lona con tod@s enriba dela e se pisas fóra vólvese a comezar.

O primeiro día intentámolo e non o conseguimos, pero hoxe…. XA O LOGRAMOS!!! Empregamos unha técnica na que un de nós se puxo na punta da lona e fomos dobrándoa ata que tod@s estiveramos no outro lado. Repetímolo bastantes veces xa que pisabamos fóra a miúdo, pero escoitándonos e probando as ideas d@s compañeir@s resolvémolo facilmente.

Sentímonos moi ben ao facelo e encantounos.

Logotipo

 Somos Weadeip compañía de ópera e hoxe imos contarvos unha noticia moi importante. XA TEMOS LOGO!!!!

Queredes saber como o fixemos? Primeiro descartamos logotipos que previamente creamos en plástica; logo, cando so quedaban dous, cada un de nós tivemos que escoller o logo que máis nos representaba como compañía. Ao final,  argumentando e debatindo eleximos este logo:

 Por certo, non nos gusta, flípanos!!! Parécenos súper "chanchi"!!!

BENVID@S, SOMOS WEADEIP COMPAÑÍA DE ÓPERA!

 Voltamos un ano máis co proxecto LÓVA!!!

Somos 14 nenos e nenas de quinto de primaria moi ilusionad@s por formar parte deste proxecto que xa leva cinco compañías ás costas.

O noso nome, WEADEIP, significa "With Effort and Dedication Everything Is Possible"; en galego, "con esforzo e dedicación todo é posible". Escollémolo bastante rápido grazas a debates e moita reflexión.

Durante o curso traballeremos para sacar adiante a ópera. 

Estade tod@s atent@s a este blog porque proximamente publicaremos máis contidos.

Ata próxima!

Venta de camisetas da compañía THE ANTS

A nosa compañía decidiu vender camisetas. Se queres unha tes que dicirnos a talla, cada camiseta costa 10 €.